1 мин

Буриадуудыг доромжилсон Израилын сайд асны эрхийг хасна гэв

Палестинчуудыг буриадуудтай адилтгажээ.

М.Сугар-Эрдэнэ 2023.11.20

Израилаас ОХУ-д суух Онц бөгөөд Бүрэн эрхт Элчин сайд асан Аркадий Мильманы ярилцлага хойд хөршид, ялангуяа Буриадад ихээхэн шуугиан тарьсан.

Мильман нэгэн ярилцлагадаа “Та нар Газын зурвасын зэрлэг, харгис, болхи бүдүүлэг хүмүүсийг хараа биз дээ? Маш бохир, заваан балиар энэ хүмүүс Израилд алж, шатаах гэж ирсэн. Тэд алж устгах гэсэн адгуусны буриад зөнтэй” гэх зэргээр хэлсэн юм.

ОХУ-ын Төрийн Думын Батлан хамгаалах байнгын хорооны гишүүн Андрей Гурулев “Энэхүү Мильман гэгч нь Газын зурвасын иргэдийг доромжилсноороо олон сая исламын шашинтнуудыг, буриадуудыг доромжилсноороо олон сач Буддын шашинтнуудыг гутаалаа. Би Хиагтад цэргийн алба хаасан хүн. Буриадууд их ухаантай, тайван болохоор түүний хэлсэн згийг тоохгүй байх” гэж хэлсэн бол Буриадын тэргүүн Алексей Цыденов түүнд түүхийн ном уншихыг зөвлөсөн байна.

Төрийн Думаас Аркадий Мильманы ОХУ-д орох эрхийг 50 жилээр хасах талаар хэлэлцэж байна.